Bunari i shqiptarit që rrjedh naftë (VIDEO)

Kur shkoi në Zvicër e la bunarin me ujë, por kur u kthye e gjeti me karburant. Ali Berisha, nga Gjilani, këtë bunar e kishte hapur 5 vjet më parë, ku thellësia e tij është 20 metra. “Unë kam qenë në Perëndim, kam shku para vitit të ri, me kalu vitin e ri atje, e kam lon mirë ktu, kur jam kthy prej pushimit prej Zvicrës kam has në paisje atje qe ka dal me naftë e benzin se kam ditë, ditën e parë e dytën çka po i vjen era, naftë benzin a derivate, s’di as vet çka është”, thotë Berisha, duke shtuar se i gëzohet faktit që nga bunari i tij rrjedh karburant.

Por, ai ka një dyshim se nga mund të vije ky lëng i ndezshëm. “Nuk e di sigurisht ktu kjo pompa afër meje, se prej natyrës nuk besoj që ka dalë. Nuk besoj që mundet me pas këtu në këtë vend naftë”, theksoi ai duke shtuar se i kanë kontaktuar pronarët e pompës, mirëpo nuk ka shkuar askush t’i vizitojë. Unë kesh i lajmrova, ai qe një javë ditë nuk dul, tha vjen ai menaxheri, as su lajmru as kurgjo.

Gjilanasi Ali Berisha thotë se varet prej këtij bunari, pasi ai nuk ka akoma ujësjellës në shtëpi. Unë varna krejt prej këtij bunari, se s’kemi ujësjellës, me lame me tesha me pasterime e krejt. Kur ja ka nis me qit naftë vallahi se di unë se s’jom kon ktu. T7 ka kontaktuar pronarët e pomës së karburanteve që gjenden në afërsi, por ata gjatë ditës nuk kanë dashur të flasin para kamerës. Pos kësaj për këtë rast janë të njoftuar edhe policia. Por nga organet e rendit, nuk kanë dhënë detaje për këtë çështje, përcjell Albinfo.ch.

Leave a Reply

Your email address will not be published. Required fields are marked *