Ambasadori i Britanisë së Madhe në Kosovë, Ruairi O’connell, në intervistën e dhënë për Frontal në T7 ka shprehur shqetësimin e tij dukurisë së shpëlarjes së parasë në Kosovë Diplomati nga Britania me mision në Kosovë ka thënë se shumë politikanë mund të jenë të përzier në këtë çështje.
Ai ka bërë thirrje që çdo rast të raportohet.
“Nuk flasim për mbrojtjen e investitorëve. Nuk faslim për dështimet në sistemin e arsimit. Pra dmth është shumë e rëndësishme që qytetarët dojnë që politikanët të kenë fokus atje, duhet të kërkojnë që politikanët të marrin përgjegjësi për çështjet kombëtare, por më shumë të shfrytëzojnë retorikën për procese të brendshme”, është shprehur për Frontal O’Connell.
Ai ka vënë dyshime edhe tek pasuria e shumë politikanëve në Kosovë.
“Çështjen e pasurisë së pashpjegueshme e pasurisë në Kosovë është çështje që mund të krijohet. Fatkeqësisht, sjellët e qytetarëve të Kosovës na tregon që ata pranojnë kriminalitetin në politikë. Nëse dini që një parti është e përfshirë në krimin e organizuar atëherë ata e përkrahin këtë. Nëse e përkrahni dikë që është kriminel, atëherë ju jeni pjesë e një rrejti kriminal”, ka thënë ai.
Madje ka thënë se qytetarët duhet të ndihem përgjegjës për situatën të cilën po ndodhë. O’Connell ka bërë të ditur që ndryshimi është në duart e secilit qytetarë të Kosovës.
“Kulturën e Kosovës e kuptoj shumë mirë. Por ata duhet të ndihen përgjegjës se çfarë po ndodhë në këtë vend”./GazetaExpress