Kjo është dhurata që i bëri Edi Rama Hashim Thaçit kur i shkoi në Hagë

Kryeministri i Shqipërisë, Edi Rama, ka vizituar ish-presidentin Hashim Thaçi në Hagë në fillim të muajit maj. Rama ka folur për momentin më emocionues që ka pasur me Thaçin gjatë vizitës, të cilin e konsideron mik të afërt dhe dhuratën që i ka bërë.

Kryeministri Rama foli edhe për dhuratën që ia ka bërë Thaçit në qendrën e paraburgimit në Hagë.

“Ia dërgova një mori librash që kryesisht lidhen me historinë e shqiptarëve që nga Skënderbeu e deri te librat që kanë dalë për Zogun, libra për ballkanin e kështu me radhë”, u shpreh Rama.

Tutje, ai tha se momenti më emocional me Thaçin ishte pritja për ta takuar atë brenda dhomës së paraburgimit.

“Emocionalisht ishte prekës momenti i pritjes për të ardhur në takim sepse natyrisht unë shkova dhe Hashimi erdhi dhe ai është lloj njeriu që vie gjithmonë në orar dhe vonesa kishte të bënte me faktin se ai s’ishte i lirë por i penguar nga procedura të caktuara”, tha ai.

(Visited 30 times, 1 visits today)