Memli Krasniqi kërkon mobilizimin e shqiptarëve të Luginës për ta votuar përseri Shaip Kamberin

Kryetari i PDK-së, Memli Krasniqi, ka kërkuar mobilizim për të votuar për Shaip Kamberin që të merr sërish mandatin e deputetit në Parlamentin e Serbisë.

Krasniqi përmes një shkrimi në “Facebook”, ka lavdëruar punën e Kamberit si deputet, dhe ka kërkuar nga të gjithë shqiptarët në Tërnoc, që të dielën, me 27 maj të dalin e të votojnë për të.

“Mobilizim për Shaip Kamberin! Shaip Kamberi është një patriot i guximshëm, që, si deputet, ka punuar pa ndalë për interesat e shqiptarëve në Luginë. Edhe pse ai fitoi mjaftueshëm vota edhe për një mandat të deputetit, Gjykata ka vendosur që zgjedhjet të ripërsëriten në Tërnoc. Prandaj, të gjithë shqiptarët në Tërnoc, të dielën, me 27 maj, duhet të mobilizohen dhe mos të lejojnë që Shaipit t’ia marrin mandatin nga duart”, ka shkruar Krasniqi.

Krasniqi ka thënë se Kamberi është e vetmja shpresë e shqiptarëve të Luginës që të kenë një zë të fuqishëm në Kuvendin e Serbisë – e i cili, sipas tij, nuk guxon të ndalet.

“Mobilizohuni dhe dilni e votoni. Për Shaipin, për shqiptarët!”./arbresh.info

(Visited 35 times, 1 visits today)