Vozitje e “çmendur” në magjistralen Mitrovicë-Prishtinë, policia dënon me 500 euro shoferin

Mëngjesin e sotëm Policia ka identifikuar një veturë e cila ishte me shpejtësi prej 99 km/h në zonën ku kufizimi i shpejtësisë është 40 km/h.

Kjo ndodhi gjatë kontrollës së trafikut rrugor në magjistralen Mitrovicë-Prishtinë.

Policia morri masa ndaj vozitësit duke e dënuar me 500 euro, pesë pikë negative si dhe masa mbrojtëse- një vit i ndalohet vozitja.

Raporti i plotë policor:

Në zonën ku kufizimi i shpejtësisë është 40 km/h identifikohet drejtuesi duke drejtuar automjetin me shpejtësi prej 99 km/h

Vushtrri, 24 maj 2022

Njësia Rajonale e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollës së trafikut rrugor në rrugën nacionale Mitrovicë-Prishtinë përkatësisht në zonën urbane në Vushtrri, përmes radarit ka identifikuar një veturë e cila ishte duke zhvilluar shpejtësi prej 99 km/h në zonën ku kufizimi i shpejtësisë është 40 km/h.

Sipas dispozitave të Ligjit për Rregullat e Trafikut Rrugor Nr. 05/L-088, ndaj drejtuesit të automjetit është shqiptuar gjoba prej 500 euro, pesë(5) pikë negative si dhe masa mbrojtëse- një (1) vit i ndalohet drejtimi i mjetit me veprim motorik.

(Visited 67 times, 1 visits today)